Movie News

అప్పుడు గోపి, ఇప్పుడు తమన్



2021-09-01 20:00:54 :

దర్శకుడు శివ నిర్వాణ ఇప్పటివరకు మూడు చిత్రాలు తీశారు. మొదటిది …నిన్ను కోరి. అది మ్యూజికల్ హిట్. రెండోది…మజిలీ. ఇది కూడా మ్యూజికల్ బ్లాక్ బస్టర్. ఈ రెండు చిత్రాలకు పాటలు ఇచ్చింది మలయాళ సంగీత దర్శకుడు గోపి సుందర్. ఐతే, ‘మజిలీ’ సినిమా రీ-రికార్డింగ్ టైంలో శివ నిర్వాణకి గోపి సుందర్ కి చిన్న అభిప్రాయభేదాలు వచ్చాయి. దాంతో, ఆ సినిమాకి నేపథ్య సంగీతం (బ్యాక్ గ్రౌండ్ స్కోర్) తమన్ తో చేయించుకున్నాడు.

అలాగే, ఇప్పుడు మూడో చిత్రం తీశాడు శివ నిర్వాణ. ‘టక్ జగదీష్’ పేరుతో నాని హీరోగా తీసిన ఈ మూవీకి తమన్ ని సంగీత దర్శకుడిగా తీసుకున్నారు. తమన్ పాటలు ఇచ్చాడు. ఈ సారి తమన్ తో సమస్య వచ్చినట్లుంది. అందుకే, ఈ సినిమాకి నేపథ్య సంగీతం (బ్యాక్ గ్రౌండ్ స్కోర్) తమన్ చెయ్యలేదు. గోపి సుందర్ తో చేయించుకున్నాడు.

ఈ రోజు ‘టక్ జగదీష్’ ట్రైలర్ విడుదలైంది. ఈ ట్రైలర్ లో తమన్, గోపిసుందర్ ఇద్దరి పేర్లు ఉన్నాయి. అలా, తమన్, గోపి సుందర్ స్థానాలు రెండు సినిమాలకు మారాయి.

‘టక్ జగదీష్’ సినిమా ఈ నెల 10న అమెజాన్ లో విడుదల కానుంది. ఈ ట్రైలర్ పై లుక్ వేయండి.

YouTube Video



{Source} hyperlink

Show More
Back to top button